ចំណងជើង: កំណត់ត្រាគំនិត

និពន្ធដោយ: ឡាំ​ លីម
តម្លៃ: ៣២០០០ រៀល
ចំនួនអ្នកចូលមើល: ៥៥៧៩
ខ្នាតសៀវភៅ: 20cm x 13.5cm
ទំព័រ: ២៥០ទំព័រ
លេខសម្គាល់សៀវភៅ: ISBN​-​13: 978-9924-610-06-9

ការពិពណ៌នា:

រាប់​ចាប់ពី​ស្នាដៃ​ទី១ សៀវភៅ “ប្រតិទិន​ទស្សនៈ៣៦៥ថ្ងៃ”, ស្នាដៃ​ទី២ សៀវភៅ “ប្រតិទិន​ទស្សនៈ២២២ថ្ងៃ”, ស្នាដៃ​ទី៣ សៀវភៅ “អំណាន​ជា​អំណាច”, ស្នាដៃ​ទី៤ សៀវភៅ “ដំណើរ​ស្វែងរក​ខ្លួនឯង”, ស្នាដៃ​ទី៥ សៀវភៅ “អំណាច​កម្ម”, ខ្ញុំ​មិនទាន់​មានទំនុក​ចិត្ត​សរសេរ​ចែករំលែក​ចំ​តួ​អំពី​ប្រធានបទ​ភាពជា​អ្នកដឹកនាំ​នៅឡើយ​ទេ តែ​លុះដល់​រយៈពេល​ចុងក្រោយ​នេះ ទើប​ខ្ញុំ​ចំណាយពេល​វេលា​សិក្សា​ស្រាវជ្រាវ​ច្រើន​ ឈ្វេងយល់​ពី​គ្រប់​មជ្ឈដ្ឋាន​គំនិត​ទស្សនៈ រហូត​អាច​សម្រេច​ស្នាដៃ​ទី៦ បាន​ដោយ​​ជោគជ័យ ពោល​គឺ​សៀវភៅ “ដួង​ព្រលឹង​មេដឹកនាំ”។ ចុះ​ចំណែក​ឯស្នាដៃ​ទី៧ នេះ​​វិញ សៀវភៅ​ដែល​មាន​ចំណងជើង​ថា “កំណត់ត្រា​គំនិត” នេះ​សរសេរ​ពី​ប្រ​ធាន​បទ​​អ្វី​វិញ? ពី​ដំបូង​ឡើយ កំណើត​នៃ​សៀវភៅ​នេះ​ជា​កំណត់ត្រា​គំនិត​ដែល​បាន​ផុស​ឡើង​ក្នុង​ចិត្ត​​គំនិត​របស់ខ្ញុំ​រៀងរាល់ថ្ងៃ។ ខ្ញុំ​មាន​អត្តចរិត​ចូលចិត្ត​គិតពិចារណា ចូលចិត្ត​អាន​ច្រើន​ ហើយ​មាន​ចំណូលចិត្ត​កត់ត្រា​នូវ​គំនិត​ណា​ដែ​លប្លែ​កៗ គំ​និ​ត​ល្អៗ​ទាំង​ឡាយ​​ណា​ដែល​ខ្ញុំ​យល់ថា​មានប្រយោជន៍​សម្រាប់​ខ្លួនឯង​ផង​និង​អ្នកដទៃ​ផង។ នេះ​ជា​​ប្រវត្តិ​នៃ​ចំណងជើង​ស្នាដៃ។ ខ្ញុំ​មាន​ចេតនា​ចង់ឱ្យ​អ្នក​អាន​គ្រប់ៗរូប​បង្កើត​ទម្លាប់​កត់ត្រា​គំនិត មានកំណត់​ហេតុ​ផ្ទាល់ខ្លួន យក​មេរៀន​ដែល​ខ្លួន​បាន​ឆ្លងកាត់​ប្រចាំថ្ងៃ​មក​កត់ត្រា​ទុកជា​ប្រវត្តិ​ជា​បទ​ពិសោធ​សម្រាប់​កូនចៅ ឬអ្នក​ជំនាន់​ក្រោយ។ ខ្ញុំ​ចាត់​ទុក​​សមិទ្ធផល​នា​ឆ្នាំ២០២៣នេះ​ជា​ស្នាដៃ​ទទេ ឥត​ពិសេស​អ្វី​ទាំងអស់ ជា​ស្នា​ដៃ​​ដែល​ខិត​ទៅ​រក​ភាព​សាមញ្ញ មិន​អស្ចារ្យ។ ប៉ុន្តែ​ភាព​សាមញ្ញ​នេះ​ជា​អ្វី​ដែល​មិនមែន​សាមញ្ញ ហើយ​ទទេ​ដែល​មាន​សភាព​ពេញ​បរិបូណ៌! ជីវិត​ជា​ការរៀនសូត្រ រៀន​ពេញ​មួយ​ជីវិត មិន​ចេះ​ចប់​មិន​ចេះ​អស់ ហើយ​អ្នកណា​ដែល​បន្ត​ការ​រៀន បន្ត​ការ​អាន​ជាប្រចាំ បន្ត​ការឈ្វេងយល់​ពី​ជីវិត ស្មើនឹង​បន្តជីវិត។ ប្រធានបទ​អំពី​ជីវិត​នេះ មនុស្សជាតិ​បាន​ផ្តល់​បទ​ពិសោធ បន្សល់ទុក​បទ​ពិសោធ​រាប់​ជំនាន់​មក​ហើយ ហើយ​រៀន​មិន​ចេះ​អស់​ឡើយ។ ស្នាដៃ​របស់ខ្ញុំ​គ្រប់​ចំណងជើង គឺ​សុទ្ធតែ​មិនទៅ​ណា​ឆ្ងាយ​ពី​ប្រធានបទ​ជីវិត ដូចជា​ទស្សនៈ​អំពី​ជីវិត ទស្សនៈ​អំពី​ចិត្ត​វិញ្ញាណ ឬសាស​នា ទស្សនៈ​អំពី​ការដឹកនាំ ទស្សនៈ​អំពី​សង្គម និង​ទស្សនៈ​អំពី​ន​យោបាយ​ឡើយ។ គំនិត​ទស្សនៈ​ទាំងអស់​នេះ ទោះបីជា​រៀន​ពេញ​មួយ​ជីវិត ក៏​គ្មាន​​អ្នកណា​រៀន​អស់​ដែរ។ ចុះ​តើ​ហេតុអ្វី​ត្រូវ​ឈ្វេងយល់​អំពី​ទស្សនៈ​ទាំងអស់​នេះ? ពេល​យើង​គ្មាន​ចំណេះដឹង ឬអវិជ្ជា យើង​យល់ថា “ជីវិត​គឺ​រស់នៅ​ដើម្បី​តែខ្លួន​ឯង​ម្យ៉ាង​ទេ” តែ​ពេល​យើង​មានចំណេះ​ដឹង ឬមាន​វិជ្ជា, យើង​នឹង​មើលឃើញ​យ៉ាង​ច្បាស់​​ថា “ជីវិត​មិនមែន​ជា​ការរស់នៅ​ដើម្បី​តែខ្លួន​ឯង​តែ​ម្យ៉ាង​ទេ តែ​ត្រូវ​រស់នៅ​ធ្វើ​ប្រយោជន៍​ដល់​អ្នកដទៃ​ផង​ដែរ។” ជីវិត​គ្មានន័យ​ឡើយ បើ​រស់នៅ​ដើម្បី​តែខ្លួន​ឯង ហើយ​ដើម្បី​ប្រើប្រាស់​ជីវិត​រស់នៅ​កសាង​ប្រយោជន៍​ដល់​អ្នកដទៃ​បាន ទាល់តែ​យើង​ធ្វើខ្លួន​ជា​មនុស្ស​មានប្រយោជន៍​ជាមុន​សិន។ ដើម្បី​ឱ្យ​យើង​ក្លាយ​ខ្លួន​ទៅជា​ជន​មាន​ប្រយោជន៍ ទាល់តែ​យើង​ខិតខំ​ប្រឹងប្រែង​រៀនសូត្រ មានចំណេះ​ដឹង មានការ​គិត​ត្រឹមត្រូវ មានចិត្ត​មេត្តាករុណា​ជាមុន​សិន។ និយាយរួម ដើម្បី “ផ្តល់​ឱ្យ” ទាល់តែ​យើង “មាន” ជាមុន​សិន ពោល​គឺ​ទាល់តែ​យើង​មានចំណេះ​ដឹង ទើប​អាច​ផ្តល់​ចំ​ណេះ​ដឹង​ដល់​អ្នកដទៃ​បាន, ទាល់តែ​យើង​មាន​សេចក្តី​សុខ​ក្នុង​ខ្លួនឯង ទើប​អាច​ផ្តល់​សេចក្តី​សុខ​ដល់​អ្នកដទៃ​ទៅ​បាន, ទាល់តែ​យើង​ខ្លាំង​ក្នុង​ខ្លួនឯង​ជាមុន​សិន ទើប​​អាច​ផ្តល់​កម្លាំង​ដល់​អ្នកដទៃ​ទៅ​បាន។ល។ ដើម្បី​ផ្តល់​ឱ្យ គឺ​ទាល់តែ​យើង​មាន ហើយ​​ដើម្បី​ឱ្យ​យើង​មាន គឺ​ទាល់តែ​យើង​ប្រឹងប្រែង ប្រឹងរៀន​សូត្រ ប្រឹង​ក្រេប​យក​ចំណេះ​ដឹង ធ្វើខ្លួន​ជា​មនុស្ស​ត្រឹមត្រូវ មាន​មេត្តាករុណា គិត​ប្រយោជន៍​រួម​ជាធំ។ ដោយ​ប្រការ​នេះឯង ទើប​យើង​ត្រូវតែ​ប្រកាន់​មារយាទ​ខិតខំ​ក្នុង​ជីវិត ខំរៀន ខំ​អាន​ជាប្រចាំ ខំ​ស្អាងខ្លួន ទូន្មាន​ចិត្ត​ប្រព្រឹត្ត​តាម​ធម៌ ធ្វើខ្លួន​ឱ្យ​សុចរិត​ត្រឹមត្រូវ ខំ​ឈ្វេង​យល់​​ពី​ជីវិត​ឱ្យ​បាន​ច្រើន។ ខ្ញុំ​មាន​ក្តី​សង្ឃឹមថា “បងប្អូន​អ្នកអាន​សៀវភៅ​នេះ ចូរ​អាន​ប្រកបដោយ​ការ​ត្រិះរិះ​ពិចារណា​ខ្ពស់ សិក្សា​ឈ្វេងយល់​ឱ្យ​អស់ពី​លទ្ធភាព។ លើស​នេះ​​ទៅទៀត ការរំលែក ឬផ្តល់​ឱកាស​ឱ្យ​អ្នកដទៃ​បាន​ខ្ចី​អាន​បន្ត គឺជា​ការណ៍​ដ៏​ប្រសើរ​ថ្លៃថ្លា​បំផុត ។” ពោធិ៍សាត់ ថ្ងៃអាទិត្យ ១៥កើត ខែ​បឋមាសាឍ ឆ្នាំថោះ ព.ស. ២៥៦៧ ត្រូវ​នឹង​ថ្ងៃទី២ ខែកក្កដា ឆ្នាំ២០២៣ ជា​ថ្ងៃសីល និង​ពេញបូណ៌មី​

មាតិកា:

សារបណ្ណ

សារពីអ្នកនិពន្ធ

រួបរួមការបង្រៀនក្នុងលោក 3

អវិជ្ជាជាអំពើបាប 5

ដំដែកទាន់នៅក្តៅ 8

កំណត់ត្រាគំនិត ១ 11

ចង់ខ្លាំង ត្រូវប្រឹង 12

តក់ៗ ពេញបំពង់ 15

និយាយតិច គិតនិងសង្កេតឱ្យបានច្រើន 18

កំណត់ត្រាគំនិត ២ 21

ចេះពេញចិត្តនឹងអ្វីដែលខ្លួនមាន 22

ពេលវេលាជាអាយុជីវិត 25

ឫសគល់បង្កើតផ្លែផ្កា 29

កំណត់ត្រាគំនិត ៣ 32

ស្មារតីតស៊ូ 33

អាយុច្រើននឹងក្លាយទៅជាតួលេខ 35

គ្រប់គ្រងទម្លាប់ 37

កំណត់ត្រាគំនិត ៤ 39

កុំយកការពិតធ្វើជាសត្រូវ 40

រៀនទប់កំហឹង 42

សុខនៅទីណា? 43

កំណត់ត្រាគំនិត ៥ 44

ខំប្រឹងប្រែងទើបជាបញ្ហា 45

ជីវិតមានតែផ្លូវទៅមុខ 47

ចេះស្រឡាញ់ធម្មជាតិ 48

កំណត់ត្រាគំនិត ៦ 51

ពូកែចាំ 52

មនុស្សមានកំណើត 54

ត្រូវចេះធ្វើបុណ្យពីក្មេង 56

កំណត់ត្រាគំនិត ៧ 59

មិនជួយ កុំជាន់ 60

ពេលយើងសាងកំហុស 61

កុំប្រកាសលទ្ធផលមុនបានផល 62

កំណត់ត្រាគំនិត ៨ 63

គ្មានអ្វីអមតៈទេ 64

គប្បីរក្សាឫកពាខ្ពង់ខ្ពស់ជានិច្ច 65

ចិត្តប្រែប្រួល 67

កំណត់ត្រាគំនិត ៩ 69

នៅតែប្រកាន់សីលធម៌ 71

ត្រូវបុកគ្រឹះគុណធម៌ 73

អំណាចកំហឹង 75

កំណត់ត្រាគំនិត ១០ 76

គេធ្វើបាន យើងក៏ធ្វើបាន 77

ធ្វើកិច្ចការដែលមនុស្សធម្មតាធ្វើមិនបាន 78

ទ្រឹស្តីនិងការអនុវត្តយឹតយោងគ្នា 80

កំណត់ត្រាគំនិត ១១ 83

បើសិនជាគ្មានមនុស្សល្អឥតខ្ចោះ 84

បើត្រឹមមួយរស់ 86

គ្មាននរណាម្នាក់អាចសម្រាកបានទេ 88

កំណត់ត្រាគំនិត ១២ 90

អាវុធបំផ្លាញមនុស្សជាតិ 91

ព្រះនៅគ្រប់ទីកន្លែងទាំងអស់ 94

អាថ៌កំបាំងនៃការផ្លាស់ប្តូរ 97

កំណត់ត្រាគំនិត ១៣ 98

ចួបគ្រូល្អ 100

ជីវិតទទេនិងពេញ 102

មិនមានអ្វីអស្ចារ្យទេ 104

កំណត់ត្រាគំនិត ១៤ 107

សុំអភ័យទោសពីខ្លួនឯងមុន 108

កំណត់ហេតុទី២ 111

ត្រូវតែអានជានិច្ច 113

កំណត់ត្រាគំនិត ១៥ 115

អំណាននៅតែពេញនិយម 116

បទពិសោធខ្ញុំជាមួយនឹងសៀវភៅ 122

កុំធ្វើជាអ្នកនិពន្ធ បើគ្មានឧត្តមគតិ 124

កំណត់ត្រាគំនិត ១៦ 125

មានឯកសារដើមសម្រាប់ឈ្វេងយល់ 126

ត្រូវអានរហូតដល់គ្មានពេលអាន 127

អ្នកសរសេរត្រូវតែជាមនុស្សពូកែ 130

កំណត់ត្រាគំនិត ១៧ 133

បញ្ញត្តិសង្គម 137

ទំនួលខុសត្រូវសង្គមជារឿងរួម 139

កុំចាត់ទុកប្រជាជនជាសត្រូវ 144

កំណត់ត្រាគំនិត ១៨ 145

កុំធ្វើជាមេដឹកនាំស្រឡាញ់កិត្តិយសខុសទំនង 146

តើអ្វីជាទស្សនៈ? 147

អ្នករៀនសូត្រចេះដឹង មិនចាំបាច់ធ្វើជាមន្ត្រី 151

កំណត់ត្រាគំនិត ១៩ 153

រឿងដែលគ្រាន់តែដឹងទៅ បានហើយ 154

អ្នកសង្វាត ជាទ្រព្យសម្បត្តិនៃសម័យកាល 158

តើត្រូវធ្វើបែបណា ទើបសង្គមរីកចម្រើន? 160

កំណត់ត្រាគំនិត ២០ 162

អ្នកដឹកនាំត្រូវផ្តោតលើការងារស្នូល 163

គ្មាននរណាម្នាក់ជាតួឯកសង្គមទេ 165

ស្រឡាញ់ប្រជាជនឱ្យដូច... 168

កំណត់ត្រាគំនិត ២១ 170

រដ្ឋាភិបាលស្មោះត្រង់ 172

មិនដណ្តើមឈ្នះចាញ់ តែដណ្តើមត្រូវខុស 175

អបាយមុខសន្ធប់ព្រលឹងយុវជន 177

កំណត់ត្រាគំនិត ២២ 179

ត្រូវបន្តដុសខាត់សមាជិកបក្ស 180

បោះបង់បណ្តូល 182

រឿងដែលនឹងប៉ះពាល់សីលធម៌សង្គម 185

កំណត់ត្រាគំនិត ២៣ 189

អ្នកនយោបាយទ្រទ្រង់ច្បាប់ប្រទេស... 190

ផ្តល់យុត្តិធម៌ឱ្យអ្នកដទៃ 194

កុំធ្វើជាចោរដើម្បីធ្វើទាន 196

កំណត់ត្រាគំនិត ២៤ 197

ប្រជាធិបតេយ្យមិនមែនជាការចូលរួមទេ... 198

ត្រូវប្រុងប្រយ័ត្ន 201

ចេះអភិធម្មមិនមែនមានន័យថាចេះរាជធម៌ 202

កំណត់ត្រាគំនិត ២៥ 205

ចេះស្រឡាញ់សង្គម តែរើសផ្លូវទាស់ទែងគ្នា 206

សម័យទឹកលេបដី 208

បច្ចុប្បន្នភាពព្រឹត្តិការណ៍មួយចំនួន 210

កំណត់ត្រាគំនិត ២៦ 215

មានអំណាចធ្វើអ្វី? 216

នយោបាយជាអ្នកកំណត់វាសនាសង្គម 219

សមត្ថភាពធ្វើ តែមិនមែនសន្លឹកសញ្ញាបត្រ 221

កំណត់ត្រាគំនិត ២៧ 224

គ្មានពាក្យដាច់ខាត 225

កំណត់ត្រាគំនិត ២៨ 227

អ្នកដែលស្អប់យើង មិននិយាយពាក្យពិត 228

ខុសរាប់ថាខុស ត្រូវរាប់ថាត្រូវ 231

កំណត់ត្រាគំនិត ២៩ 232

កំណត់ត្រាគំនិត ៣០ 233