តម្លៃ: ៣៦០០០ រៀល
ជួបគ្នាលើកនេះ គឺមកស្គាល់នូវអ្វីដែលមានតម្លៃកាត់ថ្លៃមិនបាននៅក្នុងជីវិត។ វាគឺជាជោគជ័យដ៏ធំធេង សម្រាប់អ្នកដើរវង្វេងផ្លូវ និងត្រូវជីវិតវាយដំឱ្យបាក់ស្បាត ក៏ប៉ុន្តែស្រាប់តែរកឃើញកន្លែងដ៏ស្ងប់ស្ងាត់ ប្រកបដោយបរិយាកាសសម្រាកលម្ហែ។ ទីនោះមិននៅឯណាឆ្ងាយ ឬក៏ត្រូវចំណាយពេល ចំណាយប្រាក់ ដើម្បីបានទៅដល់នោះទេ។ ទីនោះគឺជាកន្លែងដែលអ្នកណាក៏ចង់រស់នៅ ប៉ុន្តែពួកគេបែរជាដើរផ្លូវវាងវែងឆ្ងាយ ដោយគ្មានអ្នកណាចង្អុលប្រាប់ ឬក៏មកពីប្រកាន់ថាខ្លួនឯងឆ្លាត មិនព្រមងាកទៅស្ដាប់អ្នកដទៃ។ នៅក្នុងដំណើរជីវិតនេះ ខ្ញុំសូមប្រាប់អ្នកថា គ្មានអ្វីដែលពិសេសជាងការរកឃើញមួយនេះទៀតទេ ពោលបើទោះបីជាអ្នកខំប្រឹងធ្វើការអភិវឌ្ឍខ្លួនឱ្យជោគជ័យដល់កម្រិតណា ក៏គ្មានអត្ថន័យខ្លឹមសារអ្វីដែរ នៅពេលដែលអ្នកមិនបានស្គាល់វា ព្រោះរបស់នោះគឺជា «ខ្លួនឯង»។